இது தொடர்பாகத் தமிழக அரசு இன்று வெளியிட்ட செய்திக் குறிப்பில், “மார்க்சிஸ்ட் கம்யூனிஸ்ட் கட்சியின் மூத்தத் தலைவரான தோழர் திரு.என்.சங்கரய்யாவை பெருமைப்படுத்தும் வகையில், இவ்வாண்டிற்கான ‘தகைசால் தமிழர்’ விருது வழங்கப்படுகிறது.மாணவத் தலைவராக, சுதந்திரப் போராட்ட வீரராக, சட்டமன்ற உறுப்பினராக அரும் பணியாற்றி, தாய்நாட்டிற்கும் தமிழினத்தின் வளர்ச்சிக்கும் பெரும் பங்காற்றியவர் தோழர் என்.சங்கரய்யா. அவருக்கு பத்து இலட்ச ரூபாய்க்கான காசோலையும், பாராட்டு சான்றிதழும் வரும் ஆகஸ்ட 15ம் தேதி சுதந்திர தின விழாவில் அவருக்கு வழங்கப்படும்” எனத் தெரிவிக்கப்பட்டுள்ளது.
இதன்பிறகு தோழர் என்.சங்கரய்யா ஒரு அறிக்கை வெளியிட்டார், அதில், ”தமிழக அரசு புதிதாக அறிவித்துள்ள 'தகைசால் தமிழர்' விருதினை இந்தாண்டுக்கு எனக்கு வழங்குவதாக முதல்வர் மு.க.ஸ்டாலின் அறிவித்துள்ளார்.எனது சேவையைப் பாராட்டும் வகையில் அறிவிக்கப்பட்டுள்ள இவ்விருதினை ஏற்றுக் கொள்வதோடு, எனக்கு இந்த விருதினை தமிழக முதல்வர் மு.க.ஸ்டாலினுக்கு நன்றியினைத் தெரிவித்துக் கொள்கிறேன்.இந்த விருதுக்காக அளிக்கப்படும் ரூ. 10 லட்சம் தொகையினை கோவிட் 19 பாதிக்கப்பட்ட மக்களுக்காக, தமிழக அரசு திரட்டி வரும் முதலமைச்சரின் கோவிட் - 19 பேரிடர் நிவாரண நிதிக்கு மகிழ்ச்சியோடு வழங்குகிறேன் என்பதையும் தெரிவித்துக் கொள்கிறேன்.மாணவனாக இருந்த காலந்தொட்டு இன்று வரை தமிழக மக்களின் நலனுக்கும், இந்திய நாட்டில் விடுதலைக்கும், உழைப்பாளி மக்கள் நலன் காத்திடவும் என்னால் முடிந்தளவு பணியாற்றியுள்ளேன், சுரண்டலற்ற பொதுவுடைமை சமுதாயத்தை உருவாக்க நான் ஏற்றுக் கொண்ட மார்க்சிய கொள்கையின் அடிப்படையில் பயணம் செய்துள்ளேன். எனது இறுதி மூச்சு வரை இப்பணியைத் தொடர்ந்து நிறைவேற்றுவேன் என்பதையும் தெரிவித்துக் கொள்கிறேன்" எனத் தெரிவிக்கப்பட்டுள்ளது.
இந்த விடியோவை தவறவிடாதீர்கள்!!!
