ஐசிசி உலக டெஸ்ட் சாம்பியன்ஷிப்பில் அதிக ரன்கள் - டாப் 5 இல் ஒரே இந்தியர்

ஐசிசி உலக டெஸ்ட் சாம்பியன்ஷிப் 2019 ஆம் ஆண்டு ஆகஸ்ட் 1ஆம் தேதி தொடங்கி கடந்த 2 வருடங்களுக்கும் மேலாக நடைபெற்று வந்தது. இந்த தொடரில் டாப் 2 இடங்களைப் பிடித்த இந்தியா - நியூசிலாந்து அணிகள் இறுதிப்போட்டியில் மோதின. 

ஜூன் 19 முதல் நேற்று வரை நடந்த போட்டியில் நியூசிலாந்து அணி 8 விக்கெட்டுகள் வித்தியாசத்தில் வெற்றி பெற்று ஐசிசி உலக டெஸ்ட் சாம்பியன்ஷிப் கோப்பையை வென்றது. ஐசிசி உலக டெஸ்ட் சாம்பியன்ஷிப் தொடரில் நியூசிலாந்துக்கு எதிராக விளையாடிய 3 போட்டிகளிலும் தோற்றது இந்திய அணி.

The moment New Zealand became World Test Champions! ???? pic.twitter.com/KNmiwENIn7

— ESPNcricinfo (@ESPNcricinfo) June 23, 2021

இந்நிலையில் இந்தப் போட்டியில் அதிக ரன்கள் அடித்த வீரர்கள் பட்டியலில் ஆஸ்திரேலிய அணியின் மார்னஸ் லபுசாங்னே முதலிடம் பிடித்தார். இதுவரை 13 போட்டிகளில் விளையாடி 1675 ரன்களை அடித்துள்ளார் மார்னஸ் லபுசாங்னே. இதில் 5 சதங்களும், 9 அரை சதங்களும் அடங்கும். 

இந்திய அணியில் அதிக ரன்கள் அடித்தவர்கள் பட்டியலில் ரஹானே 1159 ரன்களுடன் முதலிடத்தில் உள்ளார். 3 சதங்கள், 6 அரை சதங்களுடன் 1159 ரன்களை அடித்துள்ளார் ரஹானே.

ஐசிசி உலக டெஸ்ட் சாம்பியன்ஷிப் தொடரில் அதிக ரன்கள் அடித்தவர்கள் 

1) மார்னஸ் லபுசாங்னே - 1675 ரன்கள்
2) ஜோ ரூட் - 1660 ரன்கள்
3) ஸ்டீவ் ஸ்மித் - 1341 ரன்கள்
4) பென் ஸ்டோக்ஸ் - 1334 ரன்கள்
5) ரஹானே - 1159 ரன்கள்