டி 20 உலகக்கோப்பை 2021 ஐக்கிய அரபு எமிரேட்ஸ் மற்றும் ஓமானுக்கு மாற்றம் - ஐசிசி

ஐ.சி.சி ஆண்கள் டி 20 உலகக் கோப்பை 2021 ஐக்கிய அரபு எமிரேட்ஸ் மற்றும் ஓமானுக்கு மாற்றப்பட்டுள்ளது, இந்த போட்டி அக்டோபர் 17 முதல் நவம்பர் 14 வரை நடைபெற உள்ளது என்று ஐசிசி தெரிவித்துள்ளது. 

இந்த போட்டி முதலில் இந்தியாவில் நடத்த திட்டமிடப்பட்டது, ஆனால் கோவிட் -19 இன் இரண்டாவது அலையால் நாட்டில் ஏற்பட்ட விளைவுகளை கருத்தில் கொண்டு மாற்றப்பட்டுள்ளது. 

துபாய் சர்வதேச ஸ்டேடியம், அபுதாபியில் உள்ள ஷேக் சயீத் ஸ்டேடியம், ஷார்ஜா ஸ்டேடியம் மற்றும் ஓமான் கிரிக்கெட் அகாடமி மைதானம் ஆகிய நான்கு இடங்களில் நடைபெறும் இந்நிகழ்ச்சியின் தொகுப்பாளர்களாக பிசிசிஐ இருக்கும்.

2016 இல் இந்தியாவில் நடைபெற்ற டி 20 உலகக்கோப்பைக்கு பிறகு நடக்கும் டி 20 உலகக்கோப்பை தொடர் இதுவாகும். 
 
“ஐசிசி ஆண்கள் டி 20 உலகக்கோப்பை 2021 தொடரை பாதுகாப்பாக நடத்துவதே எங்களுடைய முன்னுரிமை. இந்தியாவில் தொடரை நடத்த முடியாமல் போனது வருத்தமளிக்கிறது. ரசிகர்கள் அற்புதமான கிரிக்கெட்டின் கொண்டாட்டத்தை அனுபவிக்க பி.சி.சி.ஐ, எமிரேட்ஸ் கிரிக்கெட் வாரியம் மற்றும் ஓமான் கிரிக்கெட் வாரியத்துடன் நாங்கள் நெருக்கமாக பணியாற்றுவோம்" என்று ஐ.சி.சி தலைமை நிர்வாக அதிகாரி ஜியோஃப் அலார்டிஸ் கூறினார்

???? ANNOUNCEMENT ????

Details ???? https://t.co/FzfXTKb94M pic.twitter.com/8xEzsmhWWN

— ICC (@ICC) June 29, 2021