வருடத்தில் பயிர் செய்யும் காலம் போக மீதமுள்ள மாதங்களில் ஏதேனும் புதுமையாக செய்யவேண்டும் என்ற இவர்களின் முயற்சி தான் Village Cooking Channel. 2018 ஆம் ஆண்டு சோதனையாக இந்த சேனலை ஆரம்பித்து சமையல் வீடியோக்களை பதிவிட்டனர். பெரிய தம்பி என்ற பெரியவரின் வழிகாட்டுதலில் ஐந்து இளைஞர்கள் இதை நடத்திவருகிறார்கள். சமையல் சேனல் என்றால் யூட்யூபில் ஆயிரம் குவியும். அதில் இவர்கள் தனித்து தெரிய என்ன காரணம் என்றால் அது இவர்களது வெகுளி பேச்சும், மண் மனம் மாறாத சமையல் குறிப்பும் தான். திறந்த வெளியில் கிராமபுற பாரம்பரிய முறையில், பிரமாண்டமாக சமைத்து உலகம் முழுவதும் கோடிக்கணக்கான ரசிகர்களை பெற்றுள்ளது இந்த பட்டாளம்.
சுப்பிரமணியம், ஐய்யனார், முருகேசன், தமிழ்ச்செல்வன், முத்துமாணிக்கம் ஆகிய ஐவர் தான் பெரியதம்பியின் இளம்படை. சமையல் வல்லுனரான தாத்தா பெரியதம்பியின் குறிப்புகள் கொண்டு, M Phil பட்டதாரியான சுப்ரமணியன், தன் சக உறவினர்களோடு தொடங்கிய இந்த கூட்டுமுயற்சி, குறுகிய காலத்தில் பெரிய மைல்கல்லை அடைந்துள்ளது. இவர்களின் சமையல் எந்த அளவு பிரபலம் என்றால், பிரச்சாரம் செய்ய தமிழகம் வந்த காங்கிரஸ் MP ராகுல் காந்தி இவர்களை நேரில் சந்தித்து வாழ்த்தியுள்ளார்.
இந்த விடியோவை தவறவிடாதீர்கள்!!!
